الشعر هو نوع من الادب العربى الذي اشتهر كثيرا في كل البلدان العربية منذ قديم الزمان كما ان جميع البلاد العربية لها اشهر شعرائها العرب المعروفين كثيرا و لدينا هنا الشعر العراقي و الذي اطلق علية الكثيرون اسم الشعر الشعبى العراقي حيث ان شعراء العراق يلقونه باللهجة العامية الشعبية و له كذلك العديد من الانواع المختلفه ، ولدينا هنا بعض اشعار عن الحب عراقيه ، تابعوها معنا.

محتويات المقال

اشعار عن الحب عراقيه

أقوى اشعار عن الحب عراقيه إذا كنت مهتمًا جدًا بهذا النوع من الشعر ، فإليك مجموعة حصرية ومميزة من الابيات الشعرية التي جمعنا فيها أجمل رسائل الحب والغرام و الغزل باللهجة العراقية الرائعة جدًا.

اشعار عن الحب عراقيه
اشعار عن الحب عراقيه

سالتني ذات يوم عابره
عن غرامي وفتاتي الساحره
لم تكن تعلم أني شاعر
ملهم أهوى فتون الطاهره
وحبيب لست أهوى عاتبا
أنما أهوى العيون الآسره
وقواما أهيفا جلفني
ساهما خلف روحي سادره
ووفاء لم أكن أنكره
أترى ينكر غصن طائره
سألتني والربى مزدانة
في شروق والأماني زاهره
ليتها تدرك أني ها هنا
شاعر لابد لي من شاعره
قلت يا أختاه لا لا تسالي
أنا ذاك الصب أهوى نادره

جنت متوقعك تنكر عشرتي ابساع
رغم هذا وصيه ابكلبي وصيتك
ودليتك عليه وزرعتلك طيب جا هذي جزاتي ابيوم دليتك
ستورحت الخيانه البيك من اسنين
وغظيت النظر والسبب حبيتك
على جروحي تخلي تركص الشمات
وجنت مجروح انت بكلبي ظميتك
انتة لمن جمالــك غـــارت النـــــاس
يلي محلي الورد ومعـطر الاغصـــان
حور العين غــــارت منـك وقيـــــــس
ما مخلوق انتة شلون مـــا جــــــا
نمثلك بــــل بشر ماشفنة فــد يــوم
اضــن انتة مــــلاك بـهيـئه انســان

خيالك أضحى لابسا من فؤاديا
رداء موشى بالرؤى البيض حاليا
و كنت كذاك الطائر الخادع الذي
يراه رعاة البهم في المرج هاويا
فيعدون بين العشب و الزهر نحوه
و إن رعاة قاربوه طار جذلان شاديا
فما زال في إسفافه و انطلاقه
فلا هو بالنائي و لا كان دانيا
و ما زال يلهي راعيا عن قطيعه
و مزماره حتى يضل المساريا
و إنك قد أشغلتني صانك الهوى
عن الشعر لما أن تبعتك راضيا
و إن على مرآة شعري سحابة
لأنفاسك الولهى تغشى المرائيا
و إن رغب الروح انطلاقا أعاقه
صدى روحك الرخو الجناحين داعيا
و همسك ألهاني فما بت سامعا
لحون إله الشر أو بت واعيا
و قيثارتي ما شأنها و أناملي
بشعرك باتت عابثات لواهيا
ألا يتسنى يا ابنة الحب ساعة
لروحي أن ترقى النهود العواريا
فتلمح من عليائها أفق فتنة
يوافيه إشعاع من الحب زاهيا
سأهتف بالأشعار إما رأيته
و أستقبل الإلهام سهلا مواتيا
متى حومت في أفق ثغرك قبلة
يصعدها ثغري فقد زال ما بيا
و عدت لرب الشعر جذلان سامعا
حفيف جناحيه ينادي خياليا

شعر شعبي عراقي غزل بالحبيبة

شعر شعبي عراقي غزل بالحبيبة لاسيما إن كانت تلك الاشعار ممن تعشقه، فإن أقصى مشاعر الوله تنبض بالقلب العاشق بكلمة راقية تعبر صمام القلب، وإليكم بعض هذه الاشعار :

عاشرنه النحبهم أحلى الأيام
نشتاك بعطش للعاشرونه
موإحنه الكَطعنه بوصل الأحباب
الزمن هو الغدرنه وفاركونه
ما غير طبعنه طول الفراكَـ…
لا إحنه نسينه ولانسونه
على الغالين تعمه هاي العيون
إذا طال الغياب وماإجونه

انت بالنسبه الي تدري شتكون
مثل هيج بداخلي مالك شريك
انت بس غمض عيونك انه اكون
و بس تفتحهن ضوه العينك اجيك
انت بعيوني ثمر صعب المنال
و عيني خيط من الشمس و التف عليك
لا تغثك باول ابياتي شحجيت
شاعر مسودن شعر ظل يحجي بيك

كالو مرتبك حقهم ميدرون
ارجف لان من فركاك موجوع
الالم لبصدري لو بالميت ايصير
اليمر من كبره يسمع جثته اتلوع
ملكاي وشهر تموز خوان
وقميصي المن ثلج بس البسه ايموع
وحكك لو تمر من شدة الشوك
اذا ميجوي زندك زندي مرجوع
ترى وجه اليفارك مثلك ايصير
مثل وجه الطفل لمرافكه الجوع

ماعفتك أبد ..صدك وفيت وياك
عاشرتك فرح يلـ عاشرت عيني
خليتك ضمد .. وجروحي كِثرة
حيلمن بعدكـ أظن الهم يجاريني
ويلـ عايش رغد .. بلا دموع العين
وبس آنه الهموم تضل تواسيني
تذكر من أجيت ويمي خايف حيل
وأظل سهران حد .. ماتتعب أيديني
جيتك هسه ميت .. وغاب صوت
الروحصدك معقوله ناسي البينكـ وبيني ..

بعدني بخير اذا تسالني يا حاحبي
واوكع ارد انهض ولا اصيح
مشانق نصب وكتي ابعتبة الدار
واذا اسال هلي كالوا مراجيح
اتزامط بيش وانت ذراعك ازغار
وبسيفة الوكت خلصني تجريح
اذا سيفك خشب لتحارب النار
صعبة ادموع عينك بيدك اطيح
السمج بالماي وانت اتبيع واتسوم
منو كلك سمج هاية تماسيح

كبل عدنه نوارس تلتقي هواي
بنهر دجله بكل مسيه اتجيب فنان
صبح تهجير عدنه بكل الاشياء
هجرنه اللون الابيض من الالوان
ولان ريش النوارس ابيض يكون
خافت تنفي مابين الاوطــــــان
صبغت ريش اسود دقق وشوف
ويانه اتظامنت وتعيش الاحزان
وراحت للنجف بالمكبره تعيش
وتسميهه ابصلافه الناس غربان

شعر عراقي عن الحب الحقيقي

يُعتبر شعر الحب الحقيقي من الأشكال الأساسية في الأدب العربي والعالمي، فهو يستخدم بشكل واسع في الشعر الرومانسي والغزلي، إليكم أجمل شعر عراقي عن الحب الحقيقي :

كيف مرّت أيّامنا كيف مرت
بين فكّ الأشواق والأحزان ؟
ملء قلبي وقلبك الحبّ والشّوق
ولكن نلوذ بالكتمان
كّلما حدّثتك عيناي بالحب
أعاقب عينيّ بالحرمان
كيف يا شاعري كتمنا ولم يعص
كيوبيد قبلنا عاشقان ؟
كيف ضاعت عواطفي ؟ كيف أنسواك
غرامي وحيرتي ووفائي؟
ملأوا قلبك النبيل أباطيل
وصاغوا كواذب الأنباء
وقضيت الأيّام أذرف إحساسي
دموعا وأستلذّ شقائي
لا لقاء غير الظنون ولا فرحة
غير الخيال والأصداء
أنت أنت الذي احتفظت بذكراه
فلم ينسها فؤادي الوفيّ
كيف غابت عن ذكرياتك أحلامي
وشوقي وحبّي الروحيّ
شهد العود كيف علّمته حبك
مثلي فهو المحبّ الشقيّ
شهد المعبد الكئيب لحبي
أن حبي مخلّد أبديّ

أحبك مو لأن انت حلو لا
لأن روحي التقت كبلي ولك بيك
اذا إنت تمُّر ع الأعمى يصيح الله
والأخرس لَّون حاچيته يحاچيك
أذب كلبي على سهمك وآنه مجروح
واكلك دير بالك أخاف أأذيك
إجرَّحني ولك بس كون عالكيف
لأن إنت ويَّه دمي وخاف أبديِّك
إجرحني ولك بس كون ما موت
حتى مِن يتهموَنك أبريّك
على المراية وكفت ما شفت وجهي
وشفت وجهك طلعلي وكمت أحاچيك
وثبت بمرايتي وجهك مرايات
وأباوع وجهها مرايتي بيك
بكذلتك شِّد ركبتي وطلع الروح
أريدنها بعد تتكرب عليك
أنت بحضني واكول بعيد
اريدن هيچ كون آنه انخبط بيك
بيا شارع مشيت كبالي ألاكيك
أفوت بغير شارع هم ألاكيك
أرد للبيت كبلي الكاك بالباب
طب كبلي تطب وتكلي أتانيك
بغيرك فكّرت كلت آنه أنساك
طلع غيرك يشبهك وفكرِّت بيك
طلع غيرك يشبهك وفكرِّت بيك

قد يهمك :

شعر عراقي احبك من صدك

شعر شعبي عراقي ماحبك جذب صدكني ذايب بيك ، لعلي الشامي الخاقاني :

ما أحبك چذب صدكَني ذايب بيك
واذا إدوّر عليه بيك تلكانــــــــي
واذا هذا الاكَوله تظن ابالغ بيه
تكَدر تنسحب بس تكَدر تنسانــي ؟
وما أكَلك چذب كَبلك ما حــــــبيت
بس يوم العرفتك انولدت من ثاني
وهسه اني طفل ما يعرف يضم اسرار
وتلكَه البكَلبك بسرعة على لساني
أحبك كلمه ما تستحقــــــــــهه والله
لأن كلمة احبك ما تروي وجداني
وماتهمني حروف الكلمه من تنكَال
بس همني الفعل وشتحمل معـاني
لأن انه من أحب اختلف عن الناس
وما اكَلك طبع ولا سر ربانــــــي
ولا اكَلك ملاك اني يفــــــــــــــلان
بس تلكـــه الصدك من تدك بيباني
أحبك كَالوهه كَبــــــــــــــــلي هواى
وبيهه ما اهم واتركهه تعـــــــاني
عندي لهفه الك شايلهه من سنين
واظن كلمة أحبك ما تطفي نيراني

شعر عراقي عن الحب والوفاء

الحب ورومانسية هي أجمل الأشياء في حياة كل شخص وهو الشيء الوحيد القادر على تغيير الإنسان إلى الأفضل من أجل من يحب، ونعرض لكم في هذه الفقرةشعر عراقي عن الحب والوفاء :

محتاجة كلش إلك يلي شاغل أنت الفكر
محتاجة إلك مو حجي وارتاح من ينذكر
هنيّاله من كابلك يا أحلى صورة شعر
زعلان؟ ليش الزّعل زعلان آنه اعتذر
بس ارجع لخاطري صير على نحري
صير على جفني كحل حليني بين السمر
تعبني ذرف الدمع بس ما طفالي الجمر
بركان في داخلي وياخوفي لاينفجر
شمأخرك ماتجي ما ظل الك كل عذر
اهلال جرحك كمل آي كمل وأصبح بدر
صدكني حيل أتعبت حبك عسر مو يسر
اترجيت وتوسلت بيك شكثر وشكثر
ما فاد بيك الرجه وجبرتني لهل أمر

تدري شكد احبك يا أعز مخلوق
بكد نجمات ليلك حبي ما ينعد..
حبي مو عدد ولا هو بس ارقام
حـبي العشك الاخضر بس أحب ورد..
راح اوصف حبيبي وانت قيس الحب
واريدك من تقيس تـــــروح للأبــعـــد..
لأن كل الغرام يروح فدوه وياي
ماظن حبي يحي بعدي ايتجاوز حد..
انا الحبيت حبك كالطفل صرخات
وانا الضحيت عمري بدمعه فوك الخد..
وبعد حبيت حبك شهكه مالت موت
وجرعت أسموم لجلك خاطر انت اترد..
حبيتك مثل عين وكحل الجفون
وبديت اكثر احبك بيه زاد الود..
وصرت اشتاك حته وانت بالاحظان
تخيل بين ايديه واني اصيحك رد..

مشتاكلج أوين الكاج البعد كاسر الواهس
مشتاكلج خليني اشوفج بأي مكان
ردي خجلان بكبر جرح العراق
مشتاكلج وإني مو أيوب حته احمل جفاج
والله مو قصدي اعوفج مو ركضت إني أبراج
الحب ابد مو عيب صدكي وعيب اليفارك حبيبه

شعر شعبي عن الحب قصير

يكتب المحبين تعبيراً عن مشاعرهم العديد من قصائد الحب التي كتبها الشعراء قديماً وحديثاً لمحبيهم، في رسالة قصيدة عن الحب أو على صفحاتهم من الإلكترونية وصفاً لعمق تلك المشاعر، ومن أجملها :

فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم وآني مالـح طيــب
اليتبده وي غيــري بـروحـي مالمـه
بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه

لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه

اليذكروني عفتهم لجل شوكي وياك
واني اتذكّرك وانت الي ناسيني
بايعني برخص واني بغلاة أشريك
مو انت الگلت بالروح تشريني ؟
روح وداعت الله بس أگلّـك ها
الي رب كريم الصبر ينطيني

أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه

هاك أخذ جرحك بعد ما أشتهيك
وكلمة انه اهواك تحچيها
وبس أوخر عنك اسنينك تطيح
اسنين عمرك .. عمري لمتجيها
ابگـاع خدينك أنه العاكس ضواي
آبمعنى آخر …….. انه لمحليها
ذكرياتك صارن … الطف ويزيد
حيل اكرهك من يمر طاريها

مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس
ينشدونه آعله قيس وليلى كل يوم ..
أشو محد ذكر بالعشــگ عابس

تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم

انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي .

تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل